[Transcriber's note: Spelling in the original has been preserved without correction, including typographic errors. This HTML document contains URL fragment identifiers of the form #Agenus and #Agenus_aspecies for all new taxa or combinations; in all such URLs the rendering of taxonomic names conforms to current standards.]

{i}

PRODROMUS

FLORAE NORFOLKICAE

SIVE

CATALOGUS STIRPIUM

QUAE IN

INSULA NORFOLK

ANNIS 1804 ET 1805

A

FERDINANDO BAUER

COLLECTAE ET DEPICTAE

NUNC IN MUSEO CAESAREO PALATINO RERUM NATURALIUM VINDOBONAE SERVANTUR

AUCTORE

STEPHANO ENDLICHER.

VINDOBONAE.

APUD FRIDERICUM BECK UNIVERSITATIS BIBLIOPOLAM.

1833.

{ii}

[blank]

{iii}

VIRO CLARISSIMO AC PERILLUSTRI

CAROLO A SCHREIBERS,

AD EXCELS. AUSTR. INFER. REGIM. A CONSILIIS, MUSEI RERUM NATURALIUM PALATIN. DIRECTORI, COMPL. ACADEM. ET SOCIET. ERUDIT. SODALI,

DICAT

GRATISSIMUS

AUCTOR.

{iv}

[blank]

{v}

Lectori botanico!

Ferdinandus Bauer, celeberrimus plantarum pictor, Flindersiani peripli cum Roberto Brown socius, per aliquot annorum 1804 et 1805 menses in Norfolkiae insulâ, florente tunc Anglorum colonia, colligendis pingendisque stirpibus immoratus, thesaurum omni botanico exoptatissimum ex hoc itinere retulit.

Herbarium siccum pictumque ab eo in Norfolkia congestum, post praematurum summi artificis fatum, pactâ cum haeredibus pecunia, una cum reliquis itinerum suorum spoliis Museo palatino Vindobonensi est illatum.

Floram Norfolkicam, ex diti hac plantarum orbis australis gaza, annuente penes quem Musei caesarei summa cura est, Carolo a Schreibers viro inclyta fama illustrissimo depromptam, summa cura adornare conatus sum.

Quidquid ex hac opella in scientiam commodi redundare confido, Baueri in colligendis stirpibus

{vi}

industriae, in desiccando dexteritati et divino plane in pingendo ingenio debetur; naevos, qui mei sunt, ipsa rei difficultas excusabit spero.

De Florae Norfolkicae indole et universa plantarum per Oceani australis insulas distributione, alio loco agam. - Iconum splendidissimarum fasciculus propediem lucem videbit. - Vale.

Posonii Cal. Jan. MDCCCXXXIII.

{vii}

CONSPECTUS FLORAE NORFOLKICAE.

{viii}

{1}

PLANTAE CELLULARES.

I. LICHENES.

I. PARMELIA Achar. Lichenogr. p. 218.

Apothecia scutelliformia, orbicularia, thalli disco horizontaliter adnata, margine thallode aequali. Discus primo conniventi-clausus, subceraceus. - Thallus e centro horizontaliter expansus, bilateralis, forma varius, hypothallo suffultus. Fries Lichenogr. europ. 56.

1. PARMELIA PERLATA, thallo foliaceo imbricato membranaceo laevi, virescenti-glauco, subtus fusco-nigro obsolete fibrilloso, lobis rotundatis nudis, apotheciis disco rubro, margine tenui.

Lichen perlatus Linn. Wulf. in Jacq. collect. IV. 273. t. 10.
Parmelia perlata Achar. Lichenogr. p. 459. Fries! Lichenogr. europ. 59. A. Rich. Fl. Nov. Zeel. p. 32.

Crescit super muscos insulae Norfolk. (Ferd. Bauer.)

2. PARMELIA CAESIA, thallo substupeo caesio aut cinereo-albicante sorediis caesiis adsperso, subtus pallido, laciniis subpinnatifidis ciliato-fibrillosis, apotheciis sessilibus margine tenui subinflexo integro, disco mox nudo atro. Achar.

Lichen caesius Hoffm. enum. Lich. t. 12. f. 1. Engl. Bot. t. 1052.
Parmelia caesia Achar. Lichenogr. p. 216. Fries! Lichenogr. europ. 83.

Crescit in insula Norfolk, super filicum caudicibus repentibus. (Ferd. Bauer.)

II. STICTA Achar. Lichenogr. p. 448.

Apothecia scutelliformia, margini aut disco thalli adnata, margine saepius obliquo; subtus libero. Discus primitus clausus nuclei instar sub strato gonimo oriens; deinde elevatus, explanatus, nudus, strato medullari impositus. - Thallus e centro expansus, foliaceus, coriaceo-cartilagineus, subtus villosus, cyphellis maculisve discoloribus variegatus, nec venosus. Fries Lichenogr. europ. 60.

3. STICTA AURATA, thallo submembranaceo laciniato-lobato, glauco-rutilante, subtus tomentoso cyphellis sorediiformibus citrinis adsperso, apotheciis marginalibus subpeltatis obliquis, margine citrino, disco badio-purpureo. Delise.

{2}

Lichen auratus Smith Engl. Bot. t. 2359.
Sticta aurata Achar. Lichenogr. p. 448. Delise monograph. 1. 2. f. 5. 6. Fries Lichenogr. europ. p. 50. A. Rich. Fl. Nov. Zeel. p. 25.
Parmelia aurata Eschw. in Mart. crypt. Brasil. t. 14. f. 1.

Crescit inter muscos insulae NorfoIk. (Ferd. Bauer.)

III. EVERNIA Achar. Lichenogr. p. 415.

Apothecia orbiculata, scutelliformia, marginalia, a thallo marginata. Discus primitus connivens; strato medullari floccoso impositus. - Thallus subtus et margine nudus, primitas erectus inde stuppeus, uniformis, saepe inanis. Discus coloratus. Fries Lichenogr. europ. p. 69.

4. EVERNIA MELAXANTHA, thallo erecto ramosissimo rubro-croceo scabro-fibrilloso, ramulis ultimis apice nigris, scutellis orbiculatis planis supra nigris, subtus aurantiacis, margine nudis.

Lichen aurantiaco-ater Jacq. Miscell. Il. 369. t. 11. f. 2:
Usnea melaxantha Achar. Lichenogr. p. 415.
Parmelia melaxantha Spreng. syst. IV. 277.

Crescit in insula Norfolk. (Ferd. Bauer.)

II. MUSCI FRONDOSI *).

*) Muscorum insulae Norfolk definitionem clariss. Hornschuch, Prof Gryphaw. gratus debeo.

IV. BRYUM Dillen.

Peristomium duplex; exterius dentes 16, latiusculi, acuti; interius membrana carinato-sulcata, in processus totidem latiusculos perforatos, ciliis capillaribus interjectis producta. Calyptra cuculliformis. Theca aequalis laevis, exapophysata, rarissime pseudapophysata; annulata. Brid. Bryolog. I. 624.

5. BRYUM CANARIENSE, caule erecto ramoso, sterili ex apice innovante, foliis densissime confertis ovatis apiculatis, margine serrulatis, thecae pendulae subpyriformis operculo mammillato.

Bryum canariense Brid. mantiss. p. 118. Spec. III. p. 29. Bryolog. l. p. 672.

Crescit in insula Norfolk. (Ferd. Bauer.)

V. LEIOTHECA Brid. Bryolog. I. 304. t. 7.

Peristomium simplex, dentibus 16, per paria approximatis erectis. Calyptra mitraeformis conica laevis, basi laciniato-fissa, sursum pilosa v. glabra. Theca aequalis, laevis, exannulata; pedunculo lineari.

6. LEIOTHECA PROREPENS, caulibus repentibus, foliis ovato-lanceolatis

{3}

obtusis mucronulatis, dorso carinatis, siccitate subcrispatulis, capsulâ ovatâ laevi, calyptra pilosâ.

Orthotrichum prorepens Hook. musc. exot. t. 120.
Macromitrium prorepens Schwägr. suppl. II. 2. p. 62. t. 171.
Leiotheca prorepens Brid. Brylog. I. 304.

Crescit in insula Norfolk. (Ferd. Bauer.)

VI. HYPNUM Dillen.

Peristomium duplex; exterius dentes 16, lanceolati, reflexiles; interius membrana carinato-sulcata in cilia totidem perforata v. solida, ciliolis interjectis fissa. Calyptra cuculliformis glabra. Theca aequalis v. inaequalis latere superiore convexiore, stomate obliquo; annulata.

Isothecium Brid. Bryolog. II. 355. Theca aequalis.

7. HYPNUM INTORTUM, caule repente pinnatim ramoso, ramulis subsimplicibus planiusculis, foliis laxis oblongo-lanceolatis acuminatis subenerviis subintegerrimis, thecae urceolatae nutantis operculo convexo-cuspidato.

Hypnum intortum Schwägr. suppl. I. 2. p. 270. t. 92.
Isothecium intortum Brid. Bryolog. II. 384.

Crescit in insula Norfolk. (Ferd. Bauer.)

Stereodon Brid. Bryolog. II. 550. Theca inaequalis, peristomii interioris ciliis imperforatis.

8. HYPNUM SPINIFORME, caule erecto subsimplici, foliis subbifariam confertis lineari-subulatis serrato-denticulatis, nervo excurrente, pedunculo subbasilari, thecae ovato-arcuatae operculo obliquo conico-rostrato.

Hypnum spiniforme Linn. Sp. 1587. Hedw. musc. frond. III. 59. t. 25. Spec. musc. p. 236. Schwägr. suppl. I. 2. p. 184.
Hypnum, (Stereodon) spiniformis Brid. Bryolog. II. 557.

Crescit in insula Norfolk. (Ferd. Bauer.)

9. HYPNUM MINUTULUM, caule decumbente diviso, ramis erectis simpliciter pinnatis bipinnatisque, foliis imbricatis cordato-lanceolatis acuminatis dorso laevibus subenerviis, thecae cernuae oblongae operculo e basi conica longirostri.

Hypnum minutulum Hedw. musc. frond. IV. p. 90. t. 34. Spec. musc. p. 260. Schwägr. suppl. I. 2. p. 234.
Hypnum, (Stereodon) minutulus Brid Bryolog. II. 578.

Crescit in insula Norfolk. (Ferd. Bauer.)

10. HYPNUM CIRCINALE, caule flexuoso repente dense pinnato, ramis alternis simplicibus inaequalibus, foliis lanceolato-subulatis circinato-falcatis secundis subserratis enerviis, thecae ovatae arcuato-cernuae operculo conico.

{4}

Hypnum circinale Hook. musc. exot. t. 107.
Hypnum, (Stereodon) circinalis Brid. Bryolog. II. 621.

Crescit in insula Norfolk. (Ferd. Bauer.)

VII. RACOPILUM Palis. prodr. 36.

Peristomium duplex; exterius dentes 16 lanceolati, apice aristati; interius membrana carinato-sulcata in cilia 16 perforata, ciliolis interjectis divisa. Calyptra mitraeformis, campanulata, glabra, latere fissa basique laciniata. Theca inaequalis sulcata annulata.

11. RACOPILUM TOMENTOSUM Brid. Bryolog. II. 719.

R. mnioides Palis. in Mem. soc. Linn. Paris. I. p. 469. t. g. f 6.
Hypnum tomentosum Swartz prodr. 141. Hedw. musc. frond. IV. 48. t. 19. Spec. Musc. p. 240. Schwägr. suppl. I. 2. p. 183.
H. mucronatum Palis. prodr. 66.

Crescit in insula Norfolk. (Ferd. Bauer.)

III. HEPATICAE.

VIII. JUNGERMANNIA Linn.

Receptaculum fructus commune nullum. Capsula seta suffulta, quadrivalvis. Semina elateribus mixta, basi v. apicibus valvularum insidentibus.

12. JUNGERMANNIA ARGUTA, caule repente subramoso, foliis horizontalibus subquadratis apice acute pluridentatis, amphigastriis parvis remotis bipartitis, laciniis subulatis basi extrorsum unidentatis; fructu. . . . .

Jungermannia arguta Nees ab Esenb. in Nov. Act. Nat. Cur. XII. 1. p. 206. Enum. pl. crypt. Jav. I. 22.

Crescit in insula Norfolk. (Ferd. Bauer.)

13. JUNGERMANNIA ENDLICHERIANA, caule procumbente subdiviso, foliis horizontalibus ovatis obtusis retusisve leniter repandis, circa apicem bi-tridenticulatis integerrimisve, amphigastriis distantibus, altero latere in folium decurrentibus, lunatim bicornibus utrinque unidentatis, superioribus bipartitis, basi utrinque bidentatis, fructu in ramulo brevi laterali, perianthio compresso apice dentato, seta brevissima. Nees ab Esenb. msc.

Crescit in insula Norfolk. (Ferd. Bauer.)

»Differt a Jungermannia sinuata Hook. musc. exot. t. 113. cui omnium maxime propinqua, foliis brevioribus nec margine infero repando sublobulato praeditis, nec apice revera dentatis, sed potius v. omnino integerrimis, v. nonnisi apiculis 2-3 ciliiformibus, amphigastriis denique quae J. sinuatae quadrifida sunt, laciniis omnibus utrinque dentatis; a Jungermannia combinata Nees ab Esenb. Fl. Bras. n. 12. et crypt. Jav. I. 22.

{5}

»foliis non apicem versus recta angustatis, nec apice distincte bi-tridentatis, amphigastriis diversis multoque adhuc subtiliori margine decurrentibus, quae in J. combinata sunt bifida, laciniis angustis bi-trifidis; a Jungermannia arguta Nees ab Esenb. l. c. foliis apice non pluridenticulatis flaccidioribus flavo-viridibus laxius reticulatis, subundulatis, nonnihil adscendentibus amphigastriisque minoribus; a Jungermanniis coadunata Hook. et connata Sw. amphigastriis lunatis aut bipartitis, basi multo minus dilatata in foliorum subjectorum margines transeuntibus, potius altero margine simpliciter decurrentibus, altero tantum folium ejusdem lateris attingentibus, tum foliis non regulariter bidentatis, saepissime omnino integerrimis; a Jungermannia Bridelii Lehm. et Lindenb. stirp. pugill. IV. 45. colore viridi, foliorum denticulis, amphigastriis latioribus, quae illi ovata et anguste bifida.« Nees ab Esenb. msc.

14. JUNGERMANNIA SECURIFOLIA, caule repente inordinatim pinnato-ramoso torto, foliis imbricatis patulis subverticalibus integerrimis semirotundis, margine inferiori recto toto involuto, lobulo non discreto, basi descendente saccata, amphigastriis imbricatis orbiculatis integris v. integerrimis ad basim radiculosis foliis subduplo minoribus; fructu . . . Nees ab Esenb. msc.

Crescit in insula Norfolk. (Ferd. Bauer.)

»Differt a Jungermannia xanthocarpa Lehm. et Lindenb. stirp. pugill. V. 8. colore fusco, areolis retis amplis, folia sub lente simplici leniter papulosa exhibentibus, et foliis ad basim inferius saccato-descendentibus. J. phyllorrhiza Hepat. Brasil. differt statura minore et amphigastriis quadratis, J. geminiflora Hepat. Brasil. (in Mart. Fl. Bras. inedit.) differt magnitudine fere dupla, ramis magis explanatis, foliis inferne non tam alte insertis omnique habitu. - Est plantula indecora, parva, ramulis multis intricatis teretiusculis, coloris sordide fuscescentis. Folia trunci primarii duplo fere minora sunt quam folia ramorum; haec etiam paullo magis explanata.« Nees ab Esenb. msc.

15. JUNGERMANNIA DUBIA, caule repente subramoso, foliis alternis remotiusculis cordato-orbiculatis subsemiverticalibus, lobulo-ovato-lanceolato acuto marginibus recurvis, supremorum foliorum subdeltoideo, amphigastriis subrotundis emarginatis latere crenatis (?); fructu . . . . . . Nees ab Esenb. msc.

Crescit in insula Norfolk. (Ferd. Bauer.)

»Specimen in herbario adest unicum incompletum. Habitus Jungermanniae apiculatae Nees ab Esenb. Crypt. Jav. p. 50. sed folia sunt rotundata et lobulus magis ad platyphyllarum indolem (Madotheca Dum.) accedit. Nisi Jungermanniae lobulatae Hook. proles, certe sui juris species.« Nees ab Esenb. msc.

{6}

PLANTAE VASCULARES.

IV. LYCOPODIACEAE.

IX. TMESIPTERIS Bernh. in Schrad. Journ. 1801. I. 131.

(Lycopodii sp. Spreng. Psiloti sp. R. Brown.)

Capsulae axillares sessiles didymae 2loculares, loculis semi-2-valvibus.

16. TMESIPTERIS FORSTERI; foliis acuminatis setaceo-mucronatis.

Osmundoides Forst. in Herb. Spreng.
Lycopodium tannense Spreng. in Schrad. Journ. 1801. I. 267.
Tmesipteris tannensis Bernh. l. c. t. 2. f. 5. Schkuhr. Fil. t. 165. b.
Ferd. Bauer Illust. pl. Norfolk. t. 118.

Crescit in insulae Norfolk filicum arborescentium caudicibus. (Ferd. Bauer).

OBSERVATIO. Tmesipterim Forsteri in Nova-Zeelandia, ubi eandem nuper etiam a Frasero lectam fuisse Hookerus auctor est, nec in insula Tanna, quemadmodum Sprengelius et Bernhardius perhibent, a Forsteris esse repertam; fide speciminum herbarii Banksiani Rob. Brown testatur. Ab hac differt eodem Brownio judice planta congener in Nova-Hollandia orientali et insula Diemen indigena:
Tmesipteris Billardieri, foliis apice truncatis, mucrone setaceo, quae: Tmesipteris tannensis Labill. nov. Holl. II. 105. t. 252. excl. synonymis. Psilotum truncatum R. Brown prodr. I. 164.

V. MARATTIACEAE.

X. MARATTIA Swartz synops. 7.

(Myriotheca Commers. Celanthera Thouin.)

Sori ovales submarginales, in venis singulis singuli, fornicati, rimâ longitudinali 2valves. Capsulae connatae, utrinque sori valvulae adnatae, intus rimâ hiantes.

17. MARATTIA ELEGANS, fronde 2pinnata, pinnulis oppositis elongato-lanceolatis acuminatis apice argute serratis, basi truncato-cuneatis, caudice paleaceo, rhachi glabriuscula tereti.

Ferd. Bauer Illustr. pl. Norfolk. t. 189.

Crescit in insula Norfolk. (Ferd Bauer.)

Filix biorgyalis; caudicibus ex eodem rhizomate pluribus orgyalibus, teretiusculis, paleis copiosis conspersis, e baseos diametro 2pollicari sensim attenuatis, frondem 2pinnatam elegantissime subnutantem pandentibus. Pinnae suboppositae, densatae 8-10, 2-3pedales, rhachi basi tumida, teretiuscula, apicem versus subcompressa, obsolete alata, glabra, nonnisi ad pinnularum

{7}

exortum paleis aliquot fugacibus conspersa. Pinnulae suboppositae, 20-25, brevissime petiolatae, versus pinnae basim approximatae, interstitiis semipollicaribus; prope apicem remotae pollicem dissitae, 2-3 pollices longae, pinnarum inferiorum interdum 6 pollicares, 6-8 lineas latae, lanceolatae, acuminatae, basi truncato-cuneatae, subinaequilaterae, apice argute serratae, caeterum integerrimae, margine subrevolutae, coriaceae, glabrae, subtus pallidiores, nervo medio utrinque prominente, e basi crassiore sensim angustato, subtus prope basim furfure paleaceo consperso. Venae horizontales suboppositae, simplices v. prope basim aut medio bifurcae, cruribus convergentibus. Sori prope pinnularum margines singulis venis v. venarum cruribus singuli insidentes, approximati, inde qua pinnulae basis abruptim attenuatur usque ad apicis serrati initium non interrupta serie continui, magnitudine sororum Marattiae fraxineae, ovato elliptici, coriacei, marginibus primum arcte conniventibus clausi, iisdem demum longitudinaliter apertis hiantes, intus ad utramque valvulam capsulas 8-9, seriatim connatas, longitudinaliter dehiscentes fovent.

VI. POLYPODIACAE.

XI. POLYPODIUM Linn gen. n. 1179.

Sori subrotundi, seriati, sparsi v. conferti. Indusium nullum.

18. POLYPODIUM TENELLUM; fronde pinnata glabra, pinnis alternis remotis elongato-lanceolatis acuminatis, basi cuneato-truncatis, subpetiolatis, repando-crenatis, soris submarginalibus utrinque 1serialibus, caudice squamoso radicante.

Polypodium tenellum Forst. prodr. n. 440. Swartz synops. 233* Schkuhr Filic. t. 16. R. Brown prodr. 147. Spreng. syst. IV. 54.

Crescit in insula Norfolk. (Ferd. Bauer.)

19. POLYPODIUM BILLARDIERI, fronde integerrima pinnatifidave coriacea marginata glabra, laciniis lineari-lanceolatis, acutis, venis anastomosantibus, soris solitariis subsaccatis, caudice squamoso repente.

Polypodium scandens Labill. nov. Holl. II. 91. t. 240. non Forst.
Polypodium diversifolium Willd. sp. IV. 1453.
Polypodium Billardieri R. Brown prodr. 147.

Crescit in insula Norfolk. (Ferd. Bauer.)

20. POLYPODIUM RUGOSULUM, fronde 3pinnata, pinnulis profunde pinnatifidis oblongis, laciniis ovatis obtusis obtuse serratis, soris solitariis submarginalibus, stipite rhachibusque universalibus supra canaliculars asperis, partialibus hirtis.

Polypodium rugosulum Labill. nov. Holl. 2. 92. t. 241. Brown prodr. 147. Kaulf. enum. 122.

Crescit in insula Norfolk. (Ferd. Bauer.)

{8}

XII. NIPHOBOLUS Kaulf. enum. 124.

(Cyclophorus Desv. Candollea Mirb. Polypodii et Acrostichi sp. Auct.)

Sori annulares aut rosacei, conferti v. sparsi; pilis stellatis obducti. Indusium nullum. Blum. Fl. Jav. Filic. p. 48.

21. NIPHOBOLUS SERPENS, caudice squamoso radicante ramosissimo, frondibus integerrimis stellato-tomentosis subtus incanis, sterilibus lanceolatis v. oblongis obovatisve obtusis fertilibusque lineari-lanceolatis basi in stipitem attenuatis, soris confertis magnis prominentibus subconfluentibus.

Polypodium serpens Forst. prodr. n. 435.
Polypodium stoloniferum Gmel. syst. II. 1305.
Polypodium stellatum Vahl symb. III. 104. Schkuhr Fil. 1. 8. f. 1. A. Rich. Fl. nov. Zeel. p. 64.
Niphobolus bicolor Kaulf. enum. 128. Hook. et Grev. ic. t. 44.
Polypodium rupestre R. Brown prodr 146
Niphobolus rupestris Spreng. syst. IV. 44. Hook. et Grev. ic. t. 93.
Polypodium elaeagnifolium Bory ad Duperr. 259. t. 31. f. 1.
? Niphobolus macrocarpus Hook. ad Beechey p. 74. t. 18.

Crescit in insula Norfolk. (Ferd. Bauer.)

Specimina nostra referunt formam ab Hookero Grevilleoque Niphoboli rupestris nomine t. 93. depictam.

XIII. ASPIDIUM Swartz synops. 42.

Sori subrotundi dorsales. Indusium orbiculare peltatum stipitatum, in medio soro insertum, undique liberum. R. Brown prodr. 1. 147.

22. ASPIDIUM CORIACEUM, frondibus decompositis deltoideis coriaceis glabris, foliolis pinnatis, pinnulis lineari-oblongis: superioribus crenatis; inferioribus pinnatifidis, lobulis infimis discretis crenatis, rhachi squamosa, stipite aspero.

Aspidium coriaceum Swartz synops. Fil. 57. Schkuhr Filic. t. 50. R. Brown prodr. 1. 147. A. Rich. Fl. nov. Zeel. p. 71.
Polypodium adiantiforme Forst. prodr. n. 449.

Crescit in insula Norfolk. (Ferd. Bauer.)

23. ASPIDIUM ARISTATUM, frondibus 2pinnatis, foliolis petiolatis rhomboideo-oblongis mucronato-serratis glabris basi sursum auriculatis, infimis pinnatifidis, stipite rhachique paleacea.

Polypodium aristatum Forst. prodr. n. 448.
Aspidium aristatum Swartz synops. 53. et 421. Schkuhr t. 42. Spreng. syst. IV. 106.

Crescit in insula Norfolk. (Ferd. Bauer.)

{9}

XIV. NEPHRODIUM L. Cl. Rich. in Michx: Fl. bor. amer. II. 266.

Sori rotundi dorsales. Involucrum reniforme sinu affixum, marginibus liberis.

24. NEPHRODIUM MICROSORUM, frondibus deltoideis tripinnatis membranaceis glabris, pinnulis decurrenti-coadunatis oblongis obtusis incisis pinnatifidisve, lobis acutiusculis serrato-incisis, stipite basi aculeato, rhachi costisque puberulis.

Aspidium microsorum Kaulf! in Sieb. synops. filic. n. 101.

Crescit in insula Norfolk. (Ferd. Bauer.)

25. NEPHRODIUM CALANTHUM, frondibus deltoideis tripinnatis rigidiusculis glabris, pinnulis decurrenti-coadunatis oblongis obtusis incisis pinnatifidisve, lobis acutissimis serrato-incisis; stipite aspero, rhachi puberula, costis glabris.

Crescit in insula Norfolk. (Ferd. Bauer.)

XV. ASPLENIUM Linn. gen. n. 1174.

Sori lineares, venis lateralibus impositi. Indusia membranacea, plana, versus costam dehiscentia.

26. ASPLENIUM NIDUS, frondibus amplissimis subsessilibus oblongo-lanceolatis basi attenuatis subintegerrimis glabris, costa subtus planiuscula, soris confertis.

Asplenium Nidus Linn. sp 1173. Forst prodr. n. 425. Brown prodr. 150. Gaudich. ad Freyc. p 313. Kaulf. enum. p. 164. Bory ad Duperr p. 79. Hook. ad Beechey p. 62. Blum. enum. pl. Jav. II. 173.
Ferd. Bauer Illustr. pl. Norfolk. t 117.

Crescit in insula Norfolk. (Ferd. Bauer.)

27. ASPLENIUM FALCATUM, frondibus pinnatis glabris, pinnis trapezoideo-lanceolatis acuminatis basi attenuatis inaequilateris subpetiolatis inciso-serratis, serraturis dentatis, soris brevibus nervo medio fere parallelis, stipite laevi.

Asplenium falcatum Swartz synops. 77. R. Brown prodr. 150. A. Rich. Fl. nov. Zeel. 73.

Crescit in insula Norfolk. (Ferd. Bauer.)

28. ASPLENIUM DIFFORME, frondibus coriaceis pinnatis glabris, pinnis oblongis basi pinnatifidis, lobis cuneato-obovatis, superne inciso-crenatis.

Asplenium difforme R. Brown prodr. 151.

Crescit in insula Norfolk. (Ferd. Bauer.)

Frons ½-1 pedalis coriacea, glabra, stipite flexuoso, angulato, submarginato, pinnata. Pinnae alternae utrinque circiter 15, inferiores pollicares, superiores breviores, summae tandem confluentes, basi pinnatifidae, apice inciso crenatae; lobis obovatis

{10}

obtusis 6 lineas longis, 3 lineas latis, basi cuneatis, integerrimis, apice inciso-crenatis. Sori lineares elongati conferti, in superiori pinnae parte profundius saepe incisa submarginales, Asplenii in Caenopterim transitum egregie demonstrant.

29. ASPLENIUM DIVERSIFOLIUM, fronde sterili 2pinnata, pinnulis cuneatis apice incisis basi integerrimis, fertili supradecomposita, laciniis linearibus integris v. 2-3 furcis submonosoris, soris marginalibus.

Asplenium diversifolium Cunningh. in Loudon hort. brit. suppl. p 581.

Crescit in insula Norfolk, filicum arborescentium caudicibus parasiticum. (Ferd. Bauer. Cunningh.)

Frons sterilis circumscriptione ovato-lanceolata semipedalis, latitudine baseos 5 pollicari, stipite acute angulato 6pollicari glaberrimo, laevi; 2pinnata: pinnis utrinque senis octonisve oppositis, inferioribus pollicem dissitis, 2½ pollicaribus, superioribus approximatis sensim minoribus, extremis subintegris. Pinnulae utrinque 4-5, alternae, ovatae v. obovatae 9 lin. longae, 6 lineas latae obtusae, basi cuneatae integerrimae, latere inferiori truncatae, superiori interdum lobo auctae, apice incisae, incisuris obtusis; venulis acutangulis parallelis confertis, simplicibus et apice aut supra medium 2-v. rarius 3 furcis, inferiores distinctius petiolatae, superiores in rhachim complanatam marginatum decurrentes, summae tandem confluentes. Frons fertilis 2 - 3pedalis, supradecomposita, laciniis linearibus semipollicem longis, integris v. 2-3furcatis, latere interiori juxta totam longitudinem, nunc basi vel medio, nonnunquam utroque latere monosoris, extimis interdum confluentibus sterilibus.

30. ASPLENIUM ASSIMILE, fronde triplicato-pinnata membranacea flaccida ovato-lanceolata, pinnis pinnulisque alternis petiolatis, foliolis sessilibus v. subdecurrentibus inciso-serratis pinnatifidisque, lobo infimo latere superiore productiori, soris biseriatis, nervo medio subcontiguis.

Crescit in insula Norfolk. (Ferd. Bauer.)

Stipes, cujus nonnisi summitates penna corvina vix crassiores video, rhachisque primaria subtetragonus compressus, antice profunde sulcatus, laevis glaberrimus, coloris sordide straminei hinc inde imprimis ad pinnarum exortum fusco-maculatus. Frons sesquipedem longa, pedem lata, ovato-lanceolata, membranacea, glaberrima, triplicato-pinnata. Pinnae alternae, pollicem dissitae, ovato-oblongae acuminatae, infimae ad angulum rectum patentes semipedales, subsequae octo pollices longae, 2 pollices latae, summae sensim breviores. Pinnarum rhachis gracilis, dorso convexa, antice profunde sulcata. Pinnulae alternae, 3 - 4 lineas dissitae, oblongae, infimae obtusae, pollicem longae, 6 lineas latae, superiores acuminatae sesquipollicares, omnes brevissime petiolatae. Foliola ovato-oblonga obtusa, par infimum oppositum petiolulatum, reliqua alterna sessilia, adnato-decurrentia, summa coadunata inciso-serrata v. subpinnatifida, lobo infimo denteve sursum productiori, soris ad basim foliorum 4-6 subuniseriatis, nervo medio contiguis e venulae bifurcatae ramulo superiori ortum ducentibus.