# Invado!!!

Hodiaux  ni  povis  observi   veran  invadon.  Rauxpoj  invadis  niajn
florkestojn kaj gaje mangxis la foliojn  de la rafanetoj. Fek'! For vi
rauxpoj! La  rafanetojn mi  mem volus  mangxi! Nu,  la radikojn  ne la
foliojn, tamen tio ne signifas ke ili povas havi la foliaron...

Unu el  la rafanetoj estis tute  kovrita per la amaso  da rauxpoj, oni
ecx ne  povis vidi  la folion  mem. Ili murdis  du kreskajxojn  kaj mi
murdis ilin. Mi bedauxras, tamen mi ne invitis ilin al mia "gxardeno".

Estas  kurioze,  sed  la  rauxpoj ne  atakis  la  printempajn  cepojn.
Almenaux gxis  nun, cxar mi  unu el ili vidis  sur la trunketo  de unu
cepo. Mi ankaux tiun individuon neuxtraligis.

Mi scivole atendas la posttagmezon  morgaux, kia bildo min atendos sur
la balkono... Cxu la armeo denove siegxos?