# Pluvo

    ------- 
   +---|---+ 
   | \ | \ | 
   | \ | \ | 
   |   |  ,|

Ame - signifanta  pluvon en la Japana. 
Hieraux  forte  pluvadis cxi  tie kaj  ankaux  multe da  fulmoj  estis 
videblaj kiujn  lauxtaj  tondroj sekvis.

Tamen  nuntempe  denove estas  varma  kaj  seka. Miaj  gepatroj  havas
klimatizilon en ilia  domo. Oni gxin instalis nur en  unu cxambro, sed
gxi suficxas por malvarmigi la aeron ankaux en la najbaraj cxambroj.

# Blame!

Hieraux  vespere -  aux  pli  precize nokte  -  mi  spektis la  filmon
"Blame!". Estas japana  animacia filmo bazita sur la  mangao de NIHEEI
Cutomu, kiu havas la saman titolon.

Mi  acxetis cxiujn  ekzemplerojn  de  la mangao,  sed  mi ankoraux  ne
tralegis ilin.

Mi  pensas, ke  la  filmo bone  montras la  karakteron  de Killy,  kiu
sercxas la  Retan Terminalan Genon  en la  vastega "urbo". Li  ne vere
estas  parolema,  havas  ion  misteran pri  li  kaj  posedas  potencan
pafilon.

Entute mi  tre gxuis la  filmon. Mi spektis  gxin kun japana  sono kaj
germanajn subtekstojn.

# Odoro el la pasinteco

Hodiaux matene  mi iris  al legomvendejo kun  mia patrino.  Tiu odoro!
Estas odoro  el mia infaneco. Kiam  la odoro de la  multaj legomoj kaj
fruktoj miksigxas.  Mi kaj  mia edzino ne  kutime acxetas  legomojn en
aparta  legomvendejo,  sed  en  la  superbazaro. Tie  la  areo  de  la
konstruajxo estas pli  granda kaj oni ja ne nur  legomojn kaj fruktojn
vendas, do tiu karaktera odoro ne povas kreigxi.